地球人討論區.Netme.cc

 找回密碼
 立即註冊
成為贊助會員助我們永續經營! 閱讀權限80+免回帖可選信用卡、PayMe、銀行、超商支付
查看: 172|回復: 3
收起左側

龍尾灘夜激情(加料版)

[複製鏈接]
匿名
匿名  發表於 2019-8-18 02:09:05 |閱讀模式
成為贊助會員助我們永續經營! 閱讀權限80+免回帖

馬上註冊,享用更多功能,讓你輕鬆玩轉地球。

您需要 登錄 才可以下載或查看,沒有帳號?立即註冊

x
7fb454129f300d45ba145ad213c0a770.27-345x260.jpg

龍尾灘夜激情(加料版)
原作者:不詳
-------------------
前言:

  呢篇唔係原創,只係某篇偶然晌網上睇到既短文。作者唔知係邊個,不過幾好Feel……總之唔好意思喇,借黎用一下……

-------------------

  大家好,我叫阿Sam,普通後生仔一個。個樣唔算靚仔,不過都唔討人厭咁啦。由細到大我都鍾意運動,前幾年搬左入新界住,屋企距離火車站都幾遠,於是我就買左部單車黎代步。點知一踩就鍾意左,開始踩住架車周圍去,部單車亦都越換越靚,舊年我又換左架愛車,係carrymx。(乜有呢個牌子架咩?)
  其實近年香港都多左好多單車愛好者,我晌網上識左好多熱愛踩單車既朋友,大家約埋一齊出黎玩。最近我地成班喜歡踩carrymx既年青人仲成立左個團,每逢假日成班人出黎兜勻新界踩長途,有時仲會踩埋夜車添。
  今日周末,我地又搞左個「單車燒烤遊」。由大埔火車站出發,終點就揀左最近因為保育議題而突然間爆紅左果個龍尾海灘。夜晚就會晌果頭附近搵個BBQ場燒野食,順便欣賞埋日落。
  以前唔知,原來香港有好多後生女踩單車架,晌我地個單車團裡面就有好幾個;而且……仲幾索既添……
  其中最靚女果個叫做阿Cat,今年岩岩先十九歲,「卜卜脆」,青春無敵呀。而事實上佢除左後生之外,又真係生得幾索既……
  佢平日晌一間化裝品專門店度做Sales,我地見過佢Post晌facebook度果D平日化左裝返工既相,個樣真係正到痺,絕對靚過哂果D乜野靚模多多聲。
  唔單止個樣生得靚,阿Cat既身材亦都超好;雖然唔算高,得五呎三、四左右,但係面仔細細,比例好好,係個標準「九頭身」美女。而且冇一般港女腰長腳短既通病,對腳纖細得黎又夠長,應該超過四十吋!
  所以佢架單車同我地男仔D一樣咁高架。不過話哂女仔,比較貪靚,所以架車噴到成架粉紅色,非常香艷,同佢個人襯到絕一絕……
  咁平時佢同我地出車果陣當然冇化裝啦,但就算係素顏佢都一樣靚爆鏡;清純得黎又夠健康,我覺得咁樣仲吸引。我地班單車友暗地裡都封左佢做「女神」,個個都勁想溝佢。
  可惜丫,我知佢一早有男朋友,好似仲幾好既添……

-------------------

  今日天氣好好,秋高氣爽得黎又有少少陽光,最岩戶外運動。
  晨早九點半我地班人就開始陸陸續續黎到集合。我點齊人數,岩岩七男二女,加埋正正係「九男女」,哈哈。
  今次黎左兩個女仔,除左靚女阿Cat之外,仲有個叫Doris。佢都係阿Cat介紹入我地隊車隊既,好似話係佢中學同學喎。
  同外表斯斯文文既阿Cat比起黎,Doris就活潑D,成個大笑姑婆咁。佢同阿Cat一樣都係十九歲,不過外形就冇咁成熟,望落仲有少少嬰兒肥。佢個樣都唔差架,清清秀秀,都算幾靚女;不過企埋靚女Cat側邊,就顯得相形見拙左DD咁啦……
  我地班車友裡面都有唔少人嗒佢糖,其中就以肥仔威呢條死仔最明目張膽;總之只要Doris出親黎,佢就一定會蒲頭。
   我地成團先得十零人,今次一黎就「九男女」,除左有幾個唔得閒之外,差唔多全團出動,陣容都算鼎盛。「九男女」裡面,除左阿Cat同Doris兩個靚女之外,其他隊員就有肥仔威、傻發、大頭成、高佬輝、龍友強、大隻B同埋我。
  我地起步之後,先踩左去附近一間露天茶餐廳度食早餐先。成班人晌果度一面吹水,一面hea完個早餐,到差唔多成十點半先開始浩浩蕩蕩,陣容強大咁踩入去龍尾灘。沿途又成日停低映下組員大合照,仲即刻打咭放上網添。
  肥集威一早「開宗明義」要溝Doris,其他果幾條友人反正都係以阿Cat做第一目標,一路上任得肥仔威拍住Doris,冇人同佢爭;全部都圍住靚女Cat大獻殷勤……大頭成一路斟茶遞水、高佬輝就沿途撥扇、大隻B送上黑超、傻發仲竟然預備埋雞髀小食添;而阿龍友強就梗係渣定相機係咁同佢映沙龍啦……
  咁我呢?
  我乜都冇做,淨係跟晌後面冷眼旁觀,剝住花生睇戲……
  我唔係唔鍾意阿Cat;佢咁靚女我點會唔想攝上去溝埋一份丫?不過一來根本冇位;二來人地一早名花有主架啦!咁樣死纏爛打法,唔單止白白浪費彈藥,蠻下手仲會好乞人憎添。   
  還好阿Cat份人不嬲都好鬼爽,唔會點介意。
  其實,亦都因為佢一直都冇明確拒絕,所以班友先至會咁死心不息,明知人地有男朋友都要舂個頭埋去。
  ……唔知係咪我敏感?我硬係覺等阿Cat今日好似有D唔妥咁,笑少左好多……

-------------------

  我地成班友一路嘻嘻哈哈,終於踩到去目的地龍尾海灘。
  果度以前冇乜人去,但係因為最近有人反對起人工沙灘既事,竟然變左個非常熱門既旅遊勝地。我地去到果陣,海灘上已經有成百人,仲泊左幾架旅遊巴晌度添……
  我地鎖好D車,行落石灘,見到好多人晌度玩水,仲四圍D海洋生物拎黎玩,仲掟來掟去添。佢地就玩得開心咯;不過做成既破壞,相信一D都唔會少過第日起人工沙灘囉!哈哈!
  我地睇左一陣,都唔知係邊個帶起個頭既,總之最後我地全部人都除哂鞋走埋落水,學D細路一樣咁撥開D石頭去搵D海星、海膽同埋管海馬囉。
  阿Cat似乎對D海洋生物好好奇咁,用兩隻手指頭拈住隻海星猛問人係乜野品種?因為我Plan行程果陣睇左好多有關保育龍尾灘既資料,所以可以好詳細咁講解畀佢聽,阿Cat越聽越有興趣,於是就一路都跟實我……哈!
  班友仔插唔到咀,有D唔忿氣;佢地一路上落左咁多功夫獻殷勤,而家竟然益哂我!哈哈!鬼叫佢地事先冇做功課咩?
  班友仔跟左一陣,見阿Cat騷都唔騷下佢地,谷鬼氣一窩蜂咁湧哂去同肥仔強爭阿Doris。玩玩下忽然又聽到成班人晌度起哄,原來班大細路竟然執石仔比賽鬥掟得遠喎……我同阿Cat笑下,冇理佢地,繼續「研究」D海洋生物。
  我心諗……成班麻甩佬有乜好玩喎?我就寧願傍住身邊個靚女傾多陣計勒!
  我地晌果度玩到成五點鐘先走;先兜去大尾督條大壩果邊睇日落。今日個日落好正,又大又黃,成個咸蛋黃咁,靚到我地齊齊「嘩嘩」聲大叫!
  咁高興,成班人梗係又黎玩「大合照」啦。
  女仔都鍾意映「寫真」,Doris同阿Cat都唔例外,畀阿龍友強係咁狂映。
  叫得做「龍友」,映相當然係阿強條死仔既強項啦……條友真係好鍾意映相架,係果D乜野「動漫展」、「車展」既常客;只不過佢唔係去映D靚車,而係專映D女囉!聽講好多時佢仲會約埋D志同道合既「龍友」,夾錢Book D Model仔出去「外映」添!
  我唔知佢D攝影技術係咪真係咁勁?但係淨係睇佢曬出黎果副「架生」,淨係「長短火」都有成七八碌咁多,唔睇得都嚇得下人啦!所以我地每次映親相都交哂畀佢渣哂Fit……
  今日龍友強特別興奮,因為有兩個靚女聽哂佢話,仲非常樂意咁晌度搔首弄姿,擺完呢個post,又轉下果個post,任佢點來點去。
  我地其他人變哂「透明」,晌旁邊得個睇字,恨到成棚牙都咬到碎哂咁滯。
  話時話,龍友強映相果陣個樣又真係幾「專業」架,成日行埋去,落手落腳咁教兩個女仔點樣擺Post……
  不過,我點都覺得佢似係借D意乘機揩油多D囉。   
  日落之後,我地晌附近搵左個BBQ場燒野食。果個場係乜都包哂果種,即係有炭有爐有埋食物,乜都唔駛帶果隻,非常方便。而且唔係用叉而係用燒烤夾,唔駛慢慢吉住黎燒。雖然咁樣冇渣住枝叉擰黎擰去咁過癮,但係就乾淨好多,岩哂D怕污糟既女仔。
  我地揀左個四邊都有長凳既爐圍住坐,傾下計,慢慢食、慢慢嘆。龍友強一路燒,已經一路將岩岩映果D相靚放上facebook度打咭。玩左成日,我地成班人又都係「食肉獸」,「隊」左唔少豬牛雞,食得又飽又開心,成班人都勁讚我今次設計呢個行程無得彈。
  食到咁上下,阿傻發唔知晌邊處搵左個骰盅返黎,又叫左幾打「cheap雞」啤酒話玩「大話骰」,輸果個要飲酒喎。
  阿Cat一聽到要飲酒就話唔玩,不過畀我地係咁遊說,最後都玩埋一份。
  班友以為佢唔識啦,於是係咁圍佢,想隊佢飲酒。點知原來佢扮野架,玩得都唔知幾叻,冇畀班友得逞。反而阿Doris就冇咁好彩,一連隊左幾罐。肥仔威醒水,立即企出黎做護花使者幫佢頂酒。
  玩完大話骰跟住又玩369,呢次阿Cat冇咁好運喇,輸左好多次,畀人隊到成塊臉都紅哂。我見佢咁樣,而且見到大家都已經有D醉意,心諗一陣間仲要踩返出火車站,驚住搞出事,所以就提議飲多一Round就算數。
  我地成班都踩開單車,其實都好健康既,隊啤酒只係志在玩下,都冇心要飲到酩酊大醉,所以飲多一陣,到大概十點半咁上下就埋單走人。雖然係咁,但有一、兩個人都已經醉醉地,連行直線都有少少困難……
  最後投票,大部分人都決定唔再踩單車,直接Call車返出去。
  肥仔威最醒,即刻好gentlemen咁話要送Doris返屋企,仲要係打的果隻!
  咦?阿Doris好似住晌香港果邊架喎,由新界打的出九龍過海,肥仔威今次真係「落重本」喎!
  ……希望佢今晚搵到食啦。
  其他人就決定夾錢call部「雞記貨van」,一次過連埋D單車直接車出市區。
  等緊車果陣,我見到龍友強條死仔係咁一路啤住阿Cat,一路陰陰咀咁晌度偷笑,個樣真係「淫」到丫!佢肯定最開心啦,因為佢同阿cat都住晌沙田,今次呢個「護花使者」佢做硬!我知道條死仔好LUM阿Cat,一路都想溝佢。今次肯定係想趁送佢返屋企果陣再加強D「溝通」啦。
  ……我當然都想送下靚女返屋企啦;不過我住晌元朗,同佢地根本唔同路,所以我一早預左冇行。諗住孤身走我路,一條友「醉踩」夜車返屋企。
  點知到架Van黎到果陣,阿Cat突然間改變主意,話唔想咁快返屋企住喎;叫龍友強佢地自己走先。
  果一刻龍友強個面口真係好精彩!我知佢勁想留低陪阿Cat一齊踩夜車,不這係佢第一個提議叫Van仔既,唔通而家先縮沙咩?最後唯有不情不願咁同其他人一齊上車走人囉……
  而我既心情就剛剛相反,即刻由大陰天變到陽光萬里,心諗:「個天對我真係不薄!呢次發達咯!」  
  我同靚女Cat送左班友上車,跟住就一邊「醉踩」,一邊「醉傾」,滋滋油油咁踩返出大路。點知踩踩下,佢突然又唔知抽起邊條筋,話不如再踩返去龍尾灘吹下海風,問我好唔好喎?
  我當然係舉腳贊成啦!直頭笑哂口添!
  我地踩下踩下,差不多成十一點先返到龍尾灘。由於已經入秋,夜晚都幾清涼下,加上又咁夜,果度已經靜蠅蠅,鬼影都冇隻……
  我地推埋架單車落沙灘,好彩我個背囊度不嬲都帶定張沙灘席。我將張蓆舖左晌D沙上面同阿Cat坐低,望住個黑麻麻既大海,聽住D拍岸既海浪聲,感受住D帶住少少鹹味既海風吹埋黎,十分之舒服。可能因為今晚冇乜月光,D星星睇得特別清楚!成個天全部都係D一閃一閃既小星星,鬼死咁浪漫…
  坐坐下,阿Cat忽然縮左一縮,跟住就一個「乞嗤」打左出黎。
  今日出黎踩車,佢淨係著左件短袖Tee恤,梗係凍啦!我即時好體貼咁拎左自己件外套畀佢披晌身上。
  阿Cat望左我一眼,笑笑口咁同我講:「阿Sam,唔該哂你呀。睇唔出你平時唔聲唔聲,原來對女仔都幾體貼架喎……做你女朋友應該會幾幸福。」
  「阿Cat你咁靚女,你男朋友一定幸福過我多多聲啦。」我唔知佢頭先咁講有冇特別意思,唯有是但吹下水應付住先。
  「其實……」點知佢沉默左一陣,突然間好黯然咁搭低頭細細聲話:「我同我男友岩岩分左手……」
  「下!乜話?」我又驚又喜!
  佢擰轉頭望下我:「你唔信?」
  「唔係……我只係覺得好可惜姐……」我即刻否認,又詐詐帝試探下咁問佢:「如果畀班死仔知道妳恢復單身實開心死!」
  佢點下頭苦笑左一下:「呢樣我都知,阿龍友強想溝我丫嘛……」
  「哈,連妳都睇我出?其實點只佢呀,妳咁正咁索,我地邊個唔係發夢都想溝妳丫?」我好誇張咁講。
  「咁你呢?」佢突然望實我:「你對我好似好冷淡咁喎!」
  我當堂打左個突,伸手抓下個頭,有DD尷尬咁苦笑話:「我自已知自己事,我又唔靚仔,又冇錢,邊有資格追妳丫?」
  佢怒啤左我一眼,鼓起泡腮話:「乜我似係果D貪錢貪靚仔既女仔咩?」
  「唔係!當然唔係啦!」我即刻道歉:「只不過我聽阿Doris話妳個男朋友又高大又靚仔,屋企又好有米,所以有D自慚形穢姐。」
  「其實……佢邊有你講得咁好丫?」阿Cat嘆左口氣,扁哂嘴咁:「佢呢個正衰人黎架!我對佢不知幾好,千依百順,乜都就哂佢,乜都畀哂佢……」
  我「哦」左一聲,心諗:「乜都畀哂佢?唔知包唔包括隻『豬』呢?……唉!睇怕九成九都包埋啦!畀著我係佢條仔都唔會放過佢啦,至少每日扑佢一鑊添呀!」
  阿Cat當然唔知我個心諗緊乜?繼續哭訴咁話:「點知個衰人竟然都唔心足,背住我搞三搞四,又成日向我講大話,仲一腳踏幾船……」
  「下!咁佢真係好衰喎!」我一路都冇出聲,默默咁聽住佢訴苦,但係聽到呢度真係心都痛埋,忍唔住鬧埋一份。心諗佢個舊男朋友真係唔識寶!有個咁正既女朋友都唔珍惜,竟然咁樣辜負佢;畀我連錫都錫唔切啦!
  開左個頭再加埋的搧風點火,阿Cat就收到到口,一路向我數臭佢個舊男朋友:「點止呀?個衰人直頭下流賤格,仲變態添呀!佢……佢……竟然話要將我同人交換黎玩群P喎!」
  「下!唔係嘛?」我聽到呆左!自己條女咁正都拎去同人換?條友傻架?
  ……不過腦裡面亦都忍唔住幻想緊阿Cat畀幾個麻甩佬撳住黎「輪」果個噴血畫面!
  「你話丫!佢係咪根本冇愛過我丫?」阿Cat越講越唔開心,後尾索性挨晌我膊頭度喊,而且仲越喊越犀利。
  我都唔知點講,唯有任得佢喊,又輕輕掃下佢背脊,安慰佢話:「阿Cat,唔好咁唔開心啦,呢D咁既賤人唔值得妳為佢流一滴眼淚架!早D睇清楚佢實面目,飛鬼左佢咪仲好!而且『仔死仔還在』,呢個世界大把好男仔,或者下一個會更加好、更識得珍惜妳呢。」
  「咁你呢,你會唔會珍惜我呀?」佢突然收聲唔喊,擰過黎用對水汪汪既眼望實我問。
  「梗會啦!」我諗都唔駛諗,即刻衝口而出咁大聲話!
  ……當然啦,真心話駛乜諗!
  佢見我咁認真,「咭」一聲笑左出黎:「真既?」
  我即處豎起三隻手指:「我向星星發誓……」
  佢即刻伸手撳住我個口,對我話:「唔駛,我信你……」
  「阿Cat,」我鼓起勇氣,好深情咁望實佢:「其實我鍾意左妳好耐架喇……」
  「我知……」佢好得戚咁講:「雖然你冇好似其他人咁一味討好我,不過我知道你對我都有好感既……」佢見我好似想笑咁,即刻笑住話:「乜野喎,人地對自己有信心之嘛!」
  我摸下佢D頭髮:「冇錯,阿Cat妳咁靚女,我真係同佢地一樣咁搭妳糖架。不過,除在外表之外,我更加喜歡既,係妳善良既心地同埋爽朗既性格……」
  「真既?」佢似乎好受落咁。
  哈!我知道佢生得咁靚,由細到大肯定唔知畀幾多人讚左幾多次話佢靚;但係應該冇乜人會讚佢心地好。
  拿!呢D咪叫做別出心栽囉!
  「珍珠都冇咁真!而且我話過唔會呃妳架!」我岩岩放低果三隻手指又再第一時間豎左起黎。
  佢又笑下,個樣好開心咁。
  話哂溝過咁多女,我仲唔識得打鐵趁熱,乘勝追擊咩?於是乎晌咁曖昧既氣氛下,我地兩塊臉就靠下近D、靠下又近D……
  阿Cat雙眼慢慢咁瞇埋,我心諗:「得米!」梗係即刻一野咀落去啦!

回復

使用道具 舉報

發表於 2019-9-10 03:28:09 | 顯示全部樓層
i love see  ye
回復

使用道具 舉報

發表於 2019-9-7 15:52:15 | 顯示全部樓層

thank you for sharing
回復

使用道具 舉報

發表於 2019-8-23 13:05:14 | 顯示全部樓層
33333333333333333333333333
回復

使用道具 舉報

您需要登錄後才可以回帖 登錄 | 立即註冊

本版積分規則

Archiver|地球人討論區.Netme.cc  

GMT+8, 2019-9-19 12:05 AM , Processed in 0.121142 second(s), 8 queries , File On.

Powered by Discuz! X3.3 Licensed

© 2001-2017 Comsenz Inc.

快速回復 返回頂部 返回列表